.jpg)
हैदराबाद भारतीय शास्त्रीय संगीतातील प्रख्यात गायिका मालिनी राजूरकर (वय ८२) यांचे वृद्धापकाळामुळे बुधवारी निधन झाले. गायन क्षेत्रातील योगदानाबद्दल त्यांना संगीत नाटक अकादमी पुरस्काराने सन्मानित करण्यात आले होते.
प्रकृती अस्वास्थ्यामुळे त्यांना हैदराबाद येथील रुग्णालयात दाखल करण्यात आले होते. मालिनी राजूरकर यांना देहदान करण्याची इच्छा होती. त्यानुसार उस्मानिया वैद्यकीय विद्यापीठाला त्यांचे पार्थिव वैद्यकीय अभ्यासासाठी सुपूर्द करण्यात येणार असल्याची माहिती त्यांच्या निकटवर्तीय विद्या देवधर यांनी दिली. मालिनी राजूरकर यांना दोन मुली आहेत.
